Sipòte Nou
Sherif Geauga County a, Scott Hildenbrand, konfime bay 3News ke 20 moun ki te arete pa Immigration and Customs Enforcement (ICE) yo an detansyon nan sant lan. Hildenbrand te di ke yo poko konnen ki kote yo sòti.
6 nan detni sa yo se anplwaye Cilantro Taqueria nan Cleveland Heights. Yo te arete pa ajan ICE dimanch sa ke mèt biznis nan ak avoka li konfime.
Dapre Sandro Galindo, ko-pwopriyetè Cilantro Taqueria nan Coventry ak Euclid Heights Boulevard nan Cleveland Heights, 6 nan moun sa yo se anplwaye restoran an. Yo te arete pa ajan ICE dimanch apremidi.
Galindo di restoran an ap travay ak avoka yo pou eseye libere anplwaye yo.
Sipòte Nou
Nan yon konferans de pwes ki pa t gen rapò ak sa nan meri Cleveland Heights nan lendi apremidi, Majistra Kahlil Seren te reponn kesyon sou ensidan:
“Sa m ka di se ke nou pa t enfòme an avans sou operasyon sa a. Nou pa t jwenn okenn enfòmasyon ni nan men gouvènman federal la anvan ni apre sa te fèt. Nou toujou ap travay pou konfime egzakteman sa ki te pase,” Seren di.
Toujou nan lendi, Kaitor Kay nan 3News te rankontre ak avoka imigrasyon Cleveland Margaret Wong, ki fè konnen: “Yè (dimanch), plizyè restoran te fè objektif operasyon yo, epi mwen reprezante omwen youn nan restoran sa yo,” li te revele. “Sa se yon bagay ki fè trè pè.”
Avoka imigrasyion yo fè tout moun konnen “Si yo vini nan kay ou, ou ka mande yo ba ou yon manda. Ou pa oblije kite yo antre,” li te eksplike. “Epi ou pa oblije siyen anyen si ou pa sèten sou sa li ye.”
